D’Sonndesmass gouf vun Hueschtert iwwerdroen

D’Sonndesmass gouf op Ouschteren, de 16. Abrëll, um 10.30 Auer aus der Kierch vun Hueschtert iwwerdroen. D’Chorale Ste Cécile Hueschtert huet ënnert der Leedung vum Jean Schumacher gesongen, op der Uergel huet de Stefan Dorneanu begleet.

D’Chorale Ste Cécile vun Hueschtert ass am Joer 1873 als Männerchouer gegrënnt ginn. Am Joer 1958 ass aus dem Männerchouer e gemëschte Chouer ginn. An denen laange Joeren hat d’Chorale eelef Presidenten an nëmme 4 Dirigenten.

Haut besteet d’Chorale aus 24 aktive Memberen : 12 Sopran – 6 Alt – 2 Tenor – 4 Bass. Dirigent ass den Här Jean Schumacher. Organiste sinn: d’Madame Kirsten Elmquist an den
Här Stefan Dorneanu.

Mat eisem Gesank verschéinere mir all kierchlech Fester. Wa mir och haaptsächlech e Kierchechouer sinn, sou triede mir awer och weltlech op. Fir dass mir nach laang kënnen esou sange wéi bis elo, brauche mir nei Sängerinnen a Sänger. Wie Loscht huet fir ze sangen ass invitéiert emol kucken ze kommen. Eis Prouwe si freides vun 20 bis 22 Auer an eisem Proufsall (1, rue de la Gare) zu Hueschtert.

D’Kontaktadresse ass: Juliette Beffort, 12, rue du Rham, L-6991 Rameldange, Tel. 691-340442.

Suivéiert d’Mass e Sonndeg am Live-Stream hei

De musikalische Programm vun der Mass

Et séngt: Chorale Ste Cécile Hueschtert
Dirigent: Jean Schumacher
Organist: Stefan Dorneanu

Ënnerstëtzt d’Iwwerdroung vun der Radiosmass mat Ärem Don