D’Sonndesmass gouf vun Hueschtert iwwerdroen

D’Sonndesmass gouf e Sonndeg, den 23. September, um 9 Auer aus der Kierch vun Hueschtert (Nidderaanwen) iwwerdroen. D’Chorale Ste Cécile Hueschtert huet ënnert der Leedung vum Jean Schumacher gesongen, op der Uergel huet de Stefan Dorneanu begleet; op der Gei huet de Ruben Dorneanu gespillt.

Chorale Ste Cécile Hueschtert

D’Chorale Ste Cécile vun Hueschtert ass am Joer 1873 als Männerchouer gegrënnt ginn. Am Joer 1958 ass aus dem Männerchouer e gemëschte Chouer ginn. An denen laange Joeren hat d’Chorale eelef Presidenten an nëmme véier Dirigenten.

Haut besteet d’Chorale aus 24 aktive Memberen: 12 Sopran – 6 Alt – 2 Tenor – 4 Bass. Dirigent ass den Här Jean Schumacher. Organiste sinn: Kirsten Elmquist a Stefan Dorneanu.

Mat eisem Gesank verschéinere mir all kierchlech a weltlech Fester. Fir dass mir nach laang kënnen esou sange wéi bis elo, brauche mir nei Sängerinnen a Sänger. Wie Loscht huet fir ze sangen, kann emol kucke kommen. Eis Prouwe si mëttwochs vun 20 bis 22 Auer an eisem Proufsall (6, rue Principale) zu Hueschtert.

Kontaktadress: Juliette Beffort, 12, rue du Rham, L-6991 Rameldange, Tel. 691-340442, email: juliette.beffort@gmail.com

Suivéiert d’Mass e Sonndeg am Live-Stream hei

De musikalische Programm vun der Mass

Chouer: Chorale Ste Cécile Hueschtert
Dirigent: Jean Schumacher
Organist: Stefan Dorneanu
Gei: Ruben Dorneanu

Ënnerstëtzt d’Iwwerdroung vun der Radiosmass mat Ärem Don