D’Sonndesmass ass aus der Giischterklaus iwwerdroe ginn

D’Sonndesmass ass dëse Sonndeg, den 21. Mäerz aus der Giischterklaus bei Rouspert iwwerdroe ginn. Kantoren a Sänger*innen aus der Par Regioun Iechternach hunn ënnert der Leedung vum Tom Osborne gesong, op der Uergel huet de Basilikaorganist Jos Majerus begleet.

D’Giischterklaus

“Das Weizenkorn muss sterben …”
Sonndesmass aus der Giischterklaus

No onser klenger Kiermes um Jousefsfest si mir frou an dësem Jousefsjoer nach emol ons zënter Coronazäiten üblech Sonndesmass vu 9 Auer vun der Giischterklaus mat Iech iwwert d’Medien ze feieren. Nieft der Mariewallfahrt kommen och vill Pilger op d’Klaus vun der Ënnersauer bei de Schräinerpapp vu Nazareth. 

Wa mir momentan d’Gefill hunn, an dësen ellen Zäite stierft esou munches, dann erënneren ons d’Lidder an d’Bibeltexter dësen “Ellesonndeg”: De Weesskär muss wuel stierwe, ma just esou kann e neit Liewe bréngen. 

Kantoren, Sängerinnen a Sänger aus der Par Regioun Iechternach ënnert der Direktioun vum Tom Osborne an de Basilikaorganist Jos Majerus ënnerstëtzen de Gemeinschaftsgesang.

Suivéiert d’Mass e Sonndeg am Live-Stream hei

De musikalische Programm vun der Mass

Chouer: Kantoren a Sänger*innen aus der Par Regioun Iechternach
Direktioun: Tom Osborne
Uergel: Jos Majerus

Ënnerstëtzt d’Iwwerdroung vun der Radiosmass mat Ärem Don