lb fr pt en
 
2. Dezember 2019

De Weekend vun den oppene Kierchen ass de 6. a 7. Juni 2020

Opruff fir matzemaachen

De Weekend vun den oppene Kierchen ass eng gutt Geleeënheet fir eise reliéise Patrimoine an d’Fënster ze stellen. Mir géifen eis freeën, wann dir (nees) dobäi wiert. Den Theema vum Joer 2020 ass: 150 Joer Diözes Lëtzebuerg.

Flott wier et, wann dir eng Ausstellung, eng Visite guidée oder e Concert kinnt an enger vun äre Kierchen (oder a méi Kierchen) organiséieren. Mir bewerben dann de Weekend wéi gewinnt op nationalem Plang.

Bis den 10. Februar kënnt dir d’Kierch(en) umelle beim laure.simon ewb.lu oder
um Tel. 44743-340.

Den 10. Mäerz ass Redaktiounsschluss fir den Depliant. Bis dohinner brauche mir d’Ëffnungszäiten an all anere Programm (Visite guidée, Concert, Ausstellung, etc.) an deene Kierchen, déi dir ugemellt hutt.

Vum 8. Abrëll un stinn d’Deplianten an d’Affiche bereed fir ofgeholl ze ginn.

Zéckt net nozefroen, wann dir méi Informatiounen iwwert de Weekend wëllt hunn oder e Gedankenaustausch zum Theema vun dësem Joer sicht.

Kontakt: Laure Simon, ErwuesseBildung, laure.simon ewb.lu, Tel. 691-804082

www.oppekierchen.lu

Fotoimpressioune vum Weekend vun den oppene Kierchen 2019

Zur Geschicht vun der Kierch vu Lëtzebuerg

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu