D’Sonndesmass gouf vu Bruch iwwerdroen

D’Sonndesmass gouf um zweete Faaschtesonndeg, de 17. Mäerz, um 9 Auer aus der Kierch vu Bruch bei Miersch iwwerdroen. D’Éischtkommiounskanner aus der Par „Äischdall-Helpert St-Willibrord“ hu gesongen, op der Uergel begleet vum Abbé Joël Santer.

D’Éischtkommiounskanner aus der Par „Äischdall-Helpert St-Willibrord“ invitéieren och dëst Joer erëm op hier Radiosmass, déi si an der Parkierch vu Bruch (Miersch) sangen. Sangen mecht Freed, an och d’Sangen an der Kierch ka ganz vill Freed maachen, eng Freed, déi d’Kanner mat villen anere Mënschen, besonnesch deene Kranken an Eeleren, deele wëllen. Um Wee zur Kommioun hinn hunn d’Kanner vill Lidder geléiert, well d’Sangen ass jo och eng ganz besonnesch Form vu Gebied. Zesumme mat hierem Virbereedungsteam invitéiere si all Matfeiernd an der Kierch an all Nolauschterer, fir mat ze bieden a mat ze sangen.

Suivéiert d’Mass e Sonndeg am Live-Stream hei

De musikalische Programm vun der Mass

Ënnerstëtzt d’Iwwerdroung vun der Radiosmass mat Ärem Don