| lb | fr | pt | en |
D’Sonndesmass gouf vu Lelleg iwwerdroen
De Replay op cathol.lu
D’Sonndesmass gouf dëse Sonndeg, den 19. Januar, um 9 Auer aus der Kierch vu Lelleg iwwerdroen. D’Chorales réunies Lellig-Manternach hunn ënnert der Leedung vum Roby Mehlen gesongen, op der Uergel huet de Marcel Weis begleet.
D’Choralle Lellig/Manternach
Viru gutt drëssig Jar hunn déi zwou Choralle vu Lellig a Manternach decidéiert, zesummen ze sangen, ouni awer hir Eegestännegkeet opzeginn. Eng Zesummenaarbecht, déi bis elo bestens funktionéiert huet. Mir sangen d’Sonndes- an d‘Feierdagsmassen, Begriefnesser an Hochzäiten an donieft awer och weltlech Lidder. Jiddfereen, dee Freed um Gesank huet, ass häerzlech wëllkomm, fir matzemaachen.
Dirigent ass de Roby Mehlen, iwwerdeems de Norbert Weydert an den Ernest Santer meestens fir d’Uergelbegleedung suergen. D’Radiosmass um Fest vum hl. Antonius, Schutzpatroun vun der Lelliger Kierch, begleet de Marcel Weis, e Lelliger Jong, Titularorganist zu Maacher.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée: Uergel | Kuerz Virspill zum Agangslidd | |
|---|---|---|
| Agangslidd | Ein Haus voll Glorie | Joseph Mohr |
| Kyrie | Herr erbarme Dich | |
| Gloria | Gott soll gepriesen werden | Michael Haydn / Arr. P. Colombo |
| Alleluja | Halleluja, Ihr seid das Volk | Taizé |
| Credo | gëtt gebiet | |
| Gowelidd | Nimm an o Herr die Gaben | Michael Haydn / Arr. P. Colombo |
| Sanctus | Singt heilig | Michael Haydn / Arr. P. Colombo |
| Anamnèse | Jesus Christus operstane | Noël Colombier / Léon Kirsch |
| Vater unser | gëtt gebiet | |
| Agnus Dei | La paix, l’amour, la joie | Chant de la Communauté de l’Emmanuel |
| Kommuniounslidd | O Herr ich bin nicht würdig | Michael Haydn / Arr. P. Colombo |
| Schlusslidd | Antonius heilger Schutzpatron | |
| Sortie: Uergel | Dialogue sur les mixtures | Jean Langlais |
Chouer: Chorales réunies Lellig-Manternach
Dirigent: Roby Mehlen
Organist: Marcel Weis
YouTube
SoundCloud
Twitter
Instagram
Facebook
Flickr