Positiounspabeier vun de fréieren Aumônieren an Animateurs spirituels vun den LGS

D’LGS hunn sech zënter Jore méi opgemaach fir Kanner a Jugendlech vun alle Reliounen a Weltuschauungen. Dëst ass eng verständlech Optioun. Si wëllen an enger multikultureller a säkulariséierter Gesellschaft ville Jonken d’Méiglechkeet ginn, fir no der Methode vum Baden-Powell zu Perséinlechkeeten erunzewuessen. Dozou gehéiert och d’Bereetschaftan d’Fäegkeet, nei Erfarungen ze maachen, sech neien Erausfuerderungen ze stellen an dës mat aneren ze beschwätzen. Esou léiert de Jugendlechen sech op d‘Liewen ze besënnen, et a Sprooch ze bréngen, a Repèren ze fannen. Hie kann sech fir e perséinleche Liewensstil entscheeden an aus engem Geescht vun Oppenheet an Engagement eraus liewen. Dat heescht an anere Wierder: seng eege Spiritualitéit entwéckelen.

Heizou publizéieren fréier Aumônieren an Animateurs spirituels e Positiounspabeier.