lb fr pt en
Bëschofswei . Ordination épiscopale  
17. September 2019

Bëschofswei vum Mgr. Leo Wagener den 29. September an der Kathedral

Den Äerzbëschof Jean-Claude Hollerich hat häerzlech agelueden, un der Bëschofswei deelzehuelen

De Mgr. Jean-Claude Hollerich, Äerzbëschof vu Lëtzebuerg, hat häerzlech agelueden, un der Bëschofswei vum Mgr. Leo Wagener e Sonndeg, den 29. September 2019, um 15:00 Auer an der Kathedral vu Lëtzebuerg deelzehuelen.

Am Virfeld vun der Bëschofswei waren e Freideg, de 27. September 2019, zwou Gebietsveilléeën: um 18:30 Auer an der Kierch zu Walfer an um 19:00 Auer an der Kierch zu Houschent.

Wie bei Geleeënheet vun der Bëschofswei vum Mgr. Leo Wagener e Geste maache wëllt, kann dëst maache mat engem Don un d’Fondatioun Sainte-Irmine fir de Fonds d’avenir vun der Kierch oder fir den Accueil vun zwou Flüchtlingsfamilljen hei zu Lëtzebuerg (Mentiounen: „Ordination épiscopale – Fonds d’avenir“ oder „Ordination épiscopale – Accueil réfugiés“): CCPLLULL LU64 1111 7017 0305 0000.

De leschte 24. Juli war de Chanoine Leo Wagener vum Poopst Franziskus zum Titularbëschof vun Aquae Novae in Numidia an zum Weibëschof an der Äerdiözes Lëtzebuerg ernannt ginn. Seng Bëschofsdevise ass: AD FONTES FIDEI – ZU DE QUELLE VUM GLAWEN – AUX SOURCES DE LA FOI.

Haaptkonsekrator war den Äerzbëschof Jean-Claude Hollerich, Matkonsekratore sinn de Mgr. Fernand Franck, emeriéierten Äerzbëschof vu Lëtzebuerg, an de Mgr. Georg Bätzing, Bëschof vu Limburg.

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu