Online-Elterecafé vun der ErwuesseBildung

An eisem online-Elterecafé gëtt sech dës Kéier driwwer ausgetosch, wat sech alles ännert, wa sech Nowuess an enger Famill ukënnegt. Wat ännert sech am sozialen Ëmfeld, op der Aarbecht, doheem an der Koppel an an der Famill. Et ass fir all Bedeelegt net ëmmer einfach. Wou kann een als Famill Ënnerstëtzung an Halt fannen?

Et ginn 2 flott Projete virgestallt, wou ee Gemeinschaft fënnt, Austausch an Ënnerstëtzung, och wann et ëm Froe ronderëm déi reliéis an spirituell Erzéiung vun de Kanner geet.

Un der Diskussioun si bedeelegt:

• Ingrid Scholzen, Agente pastorale Ëlwen, Wolz a Wëntger, Grënnerin vum Babykrees
• Michèle Hilger, Lëtzebuerger Guiden a Scouten, Responsabel fir « Spiri fir Kids »
• Guy Lux, Papp vun 2 Kanner
• Danielle Mertes, ErwuesseBildung – Referentin fir Kanner- a Jugendliteratur a Liesfërderung

Organisatioun:
ErwuesseBildung, Centre de formation diocésain Jean XXIII