lb fr pt en
Joer C  
24. November 2015

3. Adventssonndeg C

Lk 3,10-18

10 D’Leit hunn de Johannes den Deefer gefrot: “Wat solle mir dann elo maachen?”

11 Hien huet hinne geäntwert: “Wien zwee Hiemer huet, soll deem eent matginn, dee keent huet, a wien z’iessen huet, soll et gradesou maachen!”

12 Et koumen och Steierandreiwer, fir sech deefen ze loossen, an si soten zu him: “Meeschter, wat solle mir da maachen?”

13 Hien huet hinne geäntwert: “Dreift net méi an ewéi dat, wat dir virgeschriwwe krut!”

14 Och Zaldoten hunn hie gefrot: “A mir, wat solle mir maachen?” Zu hinne sot hien: “Setzt keen ënner Drock, erpresst och keen a sidd mat ärem Sold zefridden!”

15 D’Vollek war voll Erwaardung, an alleguer hunn si sech gefrot, ob de Johannes net vläicht esouguer de Messias wär.

16 Du sot hien zu hinnen all: "Ech deefen iech elo mat Waasser, ma et kënnt een, dee méi staark ass wéi ech, an ech sinn et net wäert, him seng Schongstréckele lasszemaachen. Hien deeft iech mat hellegem Geescht a mat Feier.

17 Hien huet d’Schëpp schonn an der Hand, fir säin Denn propper ze maachen an de Weess an senger Scheier ze sammelen; d’Kuef awer verbrennt hie mat Feier, dat ni ausgeet."

18 De Johannes huet d’Vollek nach zu villem aneren ugehal an him esou déi Gutt Noriicht verkënnegt.

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
Flickr
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu