lb fr pt en
Joer C  
25. November 2015

7. Ouschtersonndeg C

Joh 17,20-26

20 De Jesus huet an den Himmel opgekuckt an huet gebiet: "Hellege Papp, ech froen net fir si hei eleng, ma och fir déijéineg, déi duerch hiert Wuert u mech gleewen:

21 datt si alleguer eent sinn, esou wéi s du, Papp, a mir an ech an dir; datt och si an äis sinn, fir datt d’Welt gleeft, datt s du mech geschéckt hues.

22 Déi Herrlechkeet, déi s du mir ginn hues, hunn ech hinne ginn, fir datt si eent sinn, esou wéi mir eent sinn,

23 ech an hinnen an du a mir; fir datt si vollkommen eent sinn, fir datt d’Welt erkennt, datt s du mech geschéckt hues an datt s du si gär hues, esou wéi s du mech gär hues.

24 Papp, ech wëll, datt do, wou ech sinn, och déijéineg, déi s du mir ginn hues, bei mir sinn, fir datt si meng Herrlechkeet gesinn, déi ech vun dir kritt hunn, well s du mech scho gär has, nach éier d’Welt geschafe gouf.

25 Gerechte Papp, d’Welt huet dech net erkannt, ma ech hunn dech erkannt, an si hunn erkannt, datt s du mech geschéckt hues.

26 Ech hunn hinnen däin Numm bekannt gemaach, an ech maachen e weiderhi bekannt, fir datt déi Léift, déi s du fir mech hues, an hinnen ass, a fir datt och ech an hinne sinn."

 
Ä e r z b i s t u m    L ë t z e b u e r g   .   A r c h e v ê c h é   d e   L u x e m b o u r g    .   
YouTube
SoundCloud
Twitter
Instagram
Facebook
WhatsApp 352 691 12 97 76
Service Kommunikatioun a Press . Service Communication et Presse
Äerzbistum Lëtzebuerg . Archevêché de Luxembourg

© Verschidde Rechter reservéiert . Certains droits réservés
Dateschutz . Protection des données
Ëmweltschutz . Protection de l'environnement
5 avenue Marie-Thérèse
Bâtiment H, 1er Étage
L-2132 Luxembourg
+352 44 74 34 01
com cathol.lu