Advent – Waarden...

Advent – waarden …
Och nach an eiser Zäit?

Trotz Middegkeet a Resignatioun,
trotz Drogen an Alkohol,
trotz Kriibs an Aids,
trotz Scheedungen a Sträit,
trotz Iwwerschëldung a Misär,
trotz Haltlosegkeet a Manktem u Wäermt?

Advent – waarden ...
Och nach an eiser Zäit?

Trotz Wuelstand a Konsum,
trotz Egoismus a Berechnung,
trotz Wäertpapeieren a Bankgeschäfter,
trotz Computer an Internet,
trotz Handy an E-Mail,
trotz Hektik a Stress?

Advent – waarden ...
Firwat?

Dem Waarden e Sënn ginn,
der Hoffnung eng Chance bidden,
dem Fridden eng Dir opmaachen,
dem Fonke Glaf Zukunft loossen,
der Mënschlechkeet Raum verschafen,
der Léift e Gesiicht ginn...

Advent – waarden!
Dofir!
Grad an eiser Zäit!

Monique Hermes