| lb | fr | pt | en |
D’Sonndesmass gouf vu Clierf iwwerdroen
De Replay op cathol.lu
D’Sonndesmass gouf den 9. Juli um 9 Auer aus der Kierch vu Clierf iwwerdroen. D’Chorale Ste Cécile vu Clierf huet ënnert der Leedung vum Erik Schmidt gesongen, op der Uergel huet d’Anne Weis-de Jongh begleet.
Chorale Ste Cécile Clervaux
De Clierfer Gesangveräin ass am Joer 1898 als Männerchouer gegrënnt ginn. Haut huet de Kierchechouer 42 aktiv Memberen, 21 Fraen an 21 Männer. Bei eis ass vu 15 bis 86 Joer praktesch all Altersgrupp vertrueden an zesumme sange mécht Jonk an Al Spaass. D’Chorale steet ënnert der musikalescher Leedung vum Erik Schmidt an d’Anne Weis-De Jongh ass d’Organistin.
Mir sangen d’Mass um Sonndeg an op de kierchleche Feierdeeg, bei Begriefnisser a fir Hochzäiten. All 2 Joer steet bei eis op Stiefesdag e Chrëschtconcert um Programm. Obwuel eis Regëster nach relativ gutt besat sinn, froe mir heiansdo Leit aus den Nopeschchoralen, fir mat eis ze sangen. Dëst flott Zesummeschaffe bréngt jidderengem eppes a kann duerchaus derzou bäidroen, fir d’Sangen an enger Chorale méi attraktiv ze maachen.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée: Uergel | Allegro festivo | Noël Rawsthorne |
|---|---|---|
| Agangslidd | Louez, exaltez le Seigneur | R. Fornasier |
| Kyrie | Erbarme Dich | Lorenz Maierhofer |
| Gloria | Ehre sei Gott | Lorenz Maierhofer |
| Alleluja | Sois loué Seigneur | F. Myriam |
| Credo | gëtt gebiet | |
| Gowelidd | Mein Gott, wie schön ist deine Welt | Georg Thurmair |
| Sanctus | Heilig | Lorenz Maierhofer |
| Vater unser | gëtt gebiet | |
| Agnus Dei | Lamm Gottes | Lorenz Maierhofer |
| Kommuniounslidd | Prenez et mangez | A. Broeders |
| Schlusslidd | Segen will uns tragen | Lorenz Maierhofer |
| Sortie: Uergel | Jubilate | Norman Warren |
Chouer: Chorale Ste Cécile Clervaux
Dirigent: Erik Schmidt
Organistin: Anne Weis-De Jongh
YouTube
SoundCloud
Twitter
Instagram
Facebook
Flickr