Kräizerhéijung ABC

13 De Jesus sot zum Nikodemus: "Et ass keen an den Himmel eropgaang, nëmme just deejéinegen, deen aus dem Himmel erofkomm ass, de Mënschejong.

14 Esou wéi de Moses d’Schlaang an der Wüüst erhéicht huet, esou muss och de Mënschejong erhéicht ginn,

15 fir datt jiddereen, dee gleeft, an him éiwegt Liewen huet.

16 Den Herrgott huet d’Welt esou gär, datt hien säin eenzege Jong higinn huet, fir datt déi, déi un hie gleewen, net verluer ginn, ma éiwegt Liewe kréien.

17 Den Herrgott huet säi Jong nämlech net an d’Welt geschéckt, fir Geriicht iwwer se ze halen, ma fir datt d’Welt duerch hie gerett gëtt."