Vum 9. bis de 14. Mäerz 2025 hu sechs Geeschtlech aus eiser Äerzdiözees zu Kevelaer un der Retraite deelgeholl, déi vum lëtzebuerger Priesterrot organiséiert gouf. Priedeger war de Paschtouer vu Sankt Marien a Wallfahrtsrektor, den Domkapitular Stefan Dördelmann, deen d'Gäscht vu Lëtzebuerg häerzlech am Priesterhaus begréisst huet ënnert dem Motto: die "Mutter" kommt zur "Tochter".

Mat enger ganz léiwer an humorvoll Art a Weis huet hiën déi Geeschtlech an d'Gebiet agefouert ënnert dem Thema "Was sucht ihr den Lebenden bei den Toten". Dobäi ass och déi modern Konscht nët ze kuerz komm, déi beim Meditéieren gehollef huet. Zesummen hu si all Dag d'Mass an de Marienlob an der Käerzekapell gefeiert. Derniewent hu si vun him d'Antoniuskierch an d'Clemenskapell erkläert kritt, de Kräizweegebiet, de Projet "Fazenda" bei Xanten besicht a vum Basilikaorganist Elmar Lehnen d'Basilikauergel erkläert kritt, déi gréissten däitsch-romantesch Uergel mat hieren 104 Regësteren.

Et war eng Woch vun enger déiwer Gotteserfahrung, ënnert dem Schutz vu Maria, der Tréischterin am Leed, däert hiert Bild jo zu Kevelaer veréiert gëtt.